| تبليغات | X |
| ||
|
هوشنگ جعقری آذربایجانین ملی شاعیرینین عکسی زنگاندا«بایرام» مجلهسینین اوستاد هوشنگ جعفریله مصاحبهسی 1- آقای جعفری، سیز اؤزونوزو «بایرام»آیلیغینین اوخوجولارینا تانیتدیرین لطفاً؟ اوّل «بایرام»ین یازیچیلاریندان چوخلو تشکّرلر ائدیرم. اونلار چوخلو زحمتلر چکیب، «بایرام»ی گؤزل بیر صورتده چیخاردیلار. من «هوشنگ جعفری»سیزه و حورمتلی همشهرلریمه و تورک خالیغینا تانیشام. دئمک اولار کی «آغآتیم» کتابیندا، آقای «بیانی» منیم کئچمیشیمدن یازیبلار. یاخشیدیر اورادا یاشاییشیما باخسینلار. آنجاق دئیه بیلهرم من بو ملّتین کیچیک خادمی و شاعرییم. 2- ناواختدان شعره باشلادیز؟ اوّلین شعریز هانسی شعردیر؟ ائله اوشاق ایکن شعره و هنره ماراقلیدیم، آمما جدّی صورتده یازمازدیم. حایات یولداشیم بیر اوغوم بیرلیکده تصادُفدا اؤلندن سونرا، نقّاشی بومونو دردیمی دئمهگه کیچیک گؤردوم. شعره اوز گتیردیم و «سفرچیلر» شعرینی کی رحمتلیک «منوچهر نورآذر»ایله اوستاد «شهریار»ین حضورونا چاتیب اوخودوم و چوخ تشویق اولدوم و شعری داهادا جدّی صورتده باشلادیم. 1369 ایلینین زلزلهسی طاریمدا و منجیل و رودباردا اولدو و منیم عزیز هموطنلریمین دردلرینی بؤلمهگه طاریما گئتدیم و زلزله شعرینی اوخویوب، ائل شاعیری تانیندیم. اوندان سورا، دای آدیم دیللره دوشدو. دقیقاً یادیمدا دگیل اوّلین شعریم هانسی ایدی. 3- نییه تورکو دیلینده شعر یازدیز؟ چوخ آچیق و آیدین بیر مسأله دیر. بیز تورکوک و آنامیز بیزه تورکو لایلای چالیب، من بئله فیکیرلهشیرم کی کیمسه آناسین اورکدن سئوسه، اونون دیلین اونوتماز، اگر آنا دیلی یاواش-یاواش یاددان چیخسا، تورکلرین هویتلریی آیاق آلتیندا ازیلهجکدیر. اونو قوروماغا واجب دیر بوتون تورک یازیچیلاری و شاعیرلری اؤز دیلینده یازیب اوخوسونلار. تورک منیم کیملیگیم دیر، دیلیم اولماسا منده یوخام 4- هانسی شاعیرلرین شعری سیزه تأثیر قویدو؟ دئمک اولار بوتون شاعیرلرین شعرین اوخویارام، آمما «حمیده رئیسزاده»،سحر خانیمین شعرلری منی ماراقلاندیردی و باخیشیمی شعره عوض ائلهدی و شعری یاخشی تانیدیم. قدیملره شهریارین حیدرباباسین، معجز شبستری و فضولینی چوخ اوخویاردیم. من شعرده رسالت گؤرمهسم، دلیلیک گؤرمهسم، فیکیر گؤرمهسم، شعره ماراقلانمارام. ایندیسه گؤرورسوز کی، تورکو شعری آذربایجاندا جداً قدرت تاپیب، خصوصاً زنگاندا. 5- زنجاندا هانسی شاعرلر سیزه تأثیر قویدولار؟ البته دئیه بیللم تورکجه شعری انقلابدان سورا نشریهلرده من باشلامیشام. «پیام زنجان»دا، «امید زنجان»دا. بورانین شاعیرلرینی ده اوخوموشام. من آغ آتیم کتابیلا تورکونو زنگاندا، اوزاق و یاخین کندلرده دیللره سالدیم و باخیشلاری عوض ائلهدیم و سیز یاخشی بیلیرسیز کی آغ آتیمدان سورا چوخلاری بیلدی کی بوردادا یاخچی شعر یازماق اولار. 6- اوّلین کتابیز یعنی «آغآتیم» نئجه یاراندی، نئجه چاپ اولدو؟ بورادا اعتراف ائدیرم کی مهندس م.کریمی منه یاردیم ائتدی کی باشارام سؤزلریمی دئیه بیلم. گئجه منه تاریخدن دانیشیردی، تورک خالقیندان. من ذوق ائلهدیم آغآتیم شعرینی یازدیم. سورا رحمتلیک استاد «اسدالله جمالی» منه چوخلو اثر قویدو و اونون اصراری لا، او کتاب «اقتصاد»چاپخاناسیندا حؤرمتلی دوستوم آقای «حاج مسعود اقتصاد» حضرتلری الیله و کؤمگیله چاپ اولدو و چوخ تئزده یئرینه دوشدو و یاییلدی. خصوصاً طاریمدا و هئچ یادیمدان چیخماز کی طاریمدا منه «زلزله شاعیری» آد قویموشدولار. من طاریمین آدین بوتون دونیادا تانیتدیردیم. چوخلو شبکهلر منه «باکلور شاعیری» دئییردیلر. چون باکلور کندینین حاققیندا یازدیغیم شعر، چوخ دیللره دوشدو. 7- آغآتیم چاپ اولوب، بازاردا پخش اولدو، انعکاس نئجهایدی؟ آغآتیم چاپ اولاندان سونرا، تورک شعری زنگاندا یئرینه دوشدو و بئله دئیه بیلهرم کی ادبی دیلده او قدر بورادا شعر یازیلمامیشدی یا خالق آراسینا گیرمهمیشدی. منی هر کس گؤردو تئز واژهلری سوروشاردی. «آلقیش»، «زیروه»، «دنیز» کلمهلری کی زنگاندا یادلاردان چیخمیشدی، منیم شعرلریمده بیرده باشدان یاشاماغا باشلادی و اوندان سورا گؤرورسوز کی حتّی اطرافلارا دا اثر قویدو و من بونا فخر ائدیرم. 8- او کتابدا هانسی شعری چوخ بَیَندیز؟ آغ آتیمداکی شعرلرین هامیسیندا، هم منه، هم اوخوجولارا تزهلیگ واریدی. چون من سعی ائدیردیم غزلده و یئنی شعرده باخیشلاری دَگیشدیرم. مثلاً گئجهلر، آغآتیم، آغ بولاق، کیمی شعرلر دیللره دوشدو و کتاب چاپدان چیخمامیش، یعنی چاپخانادا ساتیلدی. آغآتیم چیخمامیشدان قورتاردی، آمما تأسفله اونون سونراکی چاپلاری چوخلو چتینلیکلره معروض قالدی! 9- عائیلهنیزین باخیشی شعره، هنره و ادبیّاتا نئجهدیر؟ ائله کی بیلیرسیز، بیزیم عائله هنر و ادب سئور دی. بو ائله عائلهنین باخیشین گؤستهریر، بؤیوک قیزیم «نسیم»، «زن خورشید» لوح و تندیسین آلدی. «صبا» مینیاتوریست و «سولماز»دا نقاشی ده «رئال» ایشلر، «طاهر»دهکی سریاللاردا یا هنری ایشلرده گریمور دور. بونلار اوشاقلیقدان ادبیات و شعر ایله یاشاییبلار و یاشاییرلار دا. 10- ائله بیل اونلاردا سیزین کیمی رمانتیک و عاطفهلی انسانلار دیلار؟ ائلهدیر، منیم حیات یولداشیم منیم اؤزومدنده احساسلیدیر. هر بیر کیچیک اورک یاندیریجی مسألهیه آغلار و اوشاقلار اوندان دا داها چوخ. دئمک اولار بیزیم ائوده یاشاماق فقط شاعیر ایشیدیر. 11- اوستاد، شعری خلوتده یازارسیز، یوخسا جمع ایچینده؟ شعر وار خلوتده یازیلار، شعر وار جمع ایچینده. من هر شعری قوتارا بیلمهسم، گئجهنی خلوت ائدهرم و اونو باشا چاتدیرارام؛ آمما چوخدا اولوب هیئتده خالق آغلاشاردیلار، منده اؤزومده غرق اولاردیم. هئچ بیلمزدیم هیئت ناواخت قورتاردی، اوندا منیمده شعریم قوتاراردی. 12- شعر قالبلریندن هانسی سیزده چوخ ماراق یارادار، غزل، قوشما، گرایلی و... ؟ هامیسی، خصوصیله غزل، آمما بعضی سؤزلر وار کی غزلده دئمک اولماز. اونا گؤره او بیری قالبلرده واختیجا، یئرینده آدامی ماراقلاندیرار، آمما قوشما و غزل منیم اصلی ایشیم دیر. «غزلچی جعفرییم اؤلکهمین آدی سانییام.» 13- دئدیگیمیز قالبلرین هانسی خالقا خوش گلیر؟ هر شعر گؤزل اولا و خالقین دردین دئیه، خالقا خوش گلر. مثلاً «فریاده گلین» شعری جاوانلارین و گنجلرین دیر، «یار آغلادی» شعری عاشقلارین دیر، هابئله «حاجیلار»ظنز شعری عُموم ملّتین دیر، کی گؤرورسوز «حاجیلار» شعری بیر آیدا بوتون ایراندا یاییلدی. بو ایل حاجیلارین بیر دئییردی مکّهده حاجیلار شعرینه قولاق آسیردیق. 14- استاد، سیز چوخ بؤیوک جمعلرده، شعر اوخویورسوز، او جمعلرده نه احساسیز اولار؟ دئمهلییم کی من شعرلریمی بوتون احساسیملا یازارام و بوتون احساسیملا دا اوخویارام. من شعر اوخویاندا بوتون دامارلاریم منه سس وئرر، من شعریمله بیرلهشهرم و خالق ایچینده داغیلاریق. اونا گؤرهده خالق طرفیندن آلقیشلاناریق. اؤزومده گؤردوم خالق منی و شعریمی آلقیشلاییر، منده یئنی بیر احساسا گلهرم، سانکی دونیا منیم اولار. اولوب کی مندن سورا یاریم ساعات چکیب بلکه مجلس اؤزونه گلسین و آیری شاعرده شعر اوخوسونلار. 15- ایندییه کیمی حضور تاپدیغیز جمعلرین هانسی سیزین اوچون خاطیرهلی اولوبدور؟ هامیسی، آمما «اورمو»دا اطّلاعیّه وئرمیشدیلر، زنگانلی «هوشنگ جعفری» گلهجک. بو قدر تورک خالقی استقبالا گلمیشدی کی داها صلاح اولمادی شهره گئدم، منی شهرین ائشیگینده بیر ائوده ساخلادیلار. سورا منه فیلم نشان وئردیلر کی منه ثابت اولدو کی اؤز خالقیم منی سئویر، نئجه کی من اونلاری سئویرم. تبریزده بئله دیر. 16- سیز استانداری کارمندیسیز، او ایشین شاعیرلیگه ارتباطی وارمی؟ هئچ یوخدور. آمما اوّل انقلاب خطّاط یوخ ایدی. نقّاش یوخ و یازیچی یوخ ایدی. منی استاندارییه چاغیردیلار. من جبههلرده خط یازاردیم. استاندارینین خبرلرین یازاردیم. قوناق گلنده پارچا یازاردیم. بئلهلیکله اورادا قالیب استخدام اولدوم. الان فقط ادبیاتا یئتیشیرم. بوتون مدیرلر و استاندارلار منه لطف ائدیبلر. ایندی ده بئله دیر. 17- ادارهده همکارلاریزین ارتباطی سیز ایله نئجهدیر، اونلار بیر مشهور شاعر ایله یولداشلیقدان نه حس ائدیرلر؟ منیم ادارهده همکارلاریم بو قدر منی اورکدن آلقیشلایارلار کی حدسیز و حسابسیز دیر. دئیه بیلهرم کی هئچ شاعر ایندییه قدر منیم تک آلقیشلانماییبدر. من خالق شاعیرییم، او دور خالقیم منی اورکدن سئویر. هامیسی منی بیر قارداش کیمی بلکهده قارداشداندا باش سئویرلر. منیم همکارلاریم اولماسا ایندییه دیقلامیشدیم. 18- طنز شعره نظریز نهدیر؟ سیزین طنز شعرلریزده وار؟ طنز شعری دئمهگه چوخلو یئر وار. من شوخ طبع آدامام. سؤزومو شوخلوق ایله دئیهرم. عصبانی اولمام، ساللام طنزه سؤزومو دئیهرم؛ اونا گؤره، ظنز شعریم چوخ دور. مثلاً حاجیلار، شورالار، فرماندار و... 19- آقای احمد صادقینین طنز شعرلرینه نظریز؟ آقای صادقی منیم اَن یاخشی دوستلاریمداندیر. اونون طنزده بیر خاصّ باخیشی وار. دئیه بیلهرم کی ایراندا من بوتون شهرلری گزیب و دعوت اولموشام، چوخلودا شعرلر ائشیتمیشم؛ آمما آقای صادقینین دیلی و سبکی آیری بیر دیل دیر و واقعاً گؤزل دیر. 20- آغآتیمدان سونرا چاپ اولان کتابلاریزدان صحبت آپارین؟ البتّه «گونش»ده چیخدی و «آغآتیم و گونش»ده باشدان ایکیسی بیر یئرده ده چاپ اولدو. آمما او قدر سانسور اولوب کی قورخورام چاپ اولدوقجا سانسور اولا و آخیردا فقط جلدی قالا. بیلمیرم نییه اؤزلری قویور چاپ اولور؛ سونرا کی چاپدا اونو قئیچیلهییرلر، من کی باشا دوشمورم. 21- سیز اؤزونوز چوخ دئییبسیز، سیزی زنگاندان ائشیگه چوخ تانییب و استقبال ائدیرلر، بو بارهده دانیشین؟ بونو من دئمیرم، سیز «گوگل»سایتینا بیر باخین، آدیمی سئرچ ائدین گؤرون منی دفعهلرله خارجهدن، ترکیّه، آلمان، سوئد، باکی، بورسا، استکهلم، بورجالی، گرجستان و چوخلو یئرلر دعوت ائدیب، تأسف له گئده بیلمهمیشم. آمما اوستاد حسن کاناکایا گلمیشدی زنگانا دئییردی، بیز دانشگاهلاردا سنین شعرلرین اؤیرنجیلره اوخویوب و سیزی تانیتدیراریق و زنگانی بیز سنله تانیمیشیق. زنگان منیم قولاغیما دگمهمیشدی. دکتر علی قفقازیالی «ایران جغرافیاسینین تورکلری» کیتابینی منیم شعریمله باشلاییب. 22- زنگانین انجمنلریندن و شعر آخشاملاریندان راضیسیز؟ زنگاندا آلتی ایلدن چوخدور، شعر آخشامی قورولمور. آقای سهندی جنابلاری گلندن سونرا بیری قورولدو کی دئمک اولار پیس دگیلدی؛ آمما نه قدیمکیلر کیمی. کئچمیش مدیرکللار بئله ضربه وورردولار کی یازیق آقای سهندی نئچه ایل چکر ارشادین قدّین دوزلتسین. تأسفله دئیه بیلهرم کی: «سوسوبدور دیللری شاعیرلرین دونوب شعری هُنر شهید اولالی، شعرین الامان چاغیدیر» 23- بیر زامان «ایشیق انجمنی» واریدی، اوندا شعرین وضعیّتی نئجهایدی؟ او «ایشیق» ائله ایشیق سالیب کی هئچ واخت سؤنمز. ایشیقدان گؤزل شعر یازانلار و نثر یازانلاریمیز چیخدی، دئمک زنگانین فرهنگی و دیلی یاخین زاماندا ایشیغا مدیون دور. اوندا شعر اؤز جایگاهیندا تاپدی. ایندی شاعر هئچ یئر تاپمیر شعرین اوخوسون. سؤزلر اورکلرده قالیب، کؤزهریر. هر نه زنگان آدی دیللره دوشوبدور، ایشیقدان دوشوبدور. 24- ایشیقدان سونرا نئجه اولدو؟ شعریمیز چتینلیگه قالدی. بیرده ایشیق یارانماسا یاخچی شاعر گؤره بیلمهریک. شاعیرلریمیز اورکلرینده هرهسی بیر ایشیق یاراتمالیدیلار. بیر ایشیقدان مین ایشیق. 25- بالاخره «ایشیق» زنگانین شعرینده مثبت تأثیر قویدو یا یوخ؟ نئجه کی باشدا دئدیم، اصلاً ایشیق تأثیرین بئله قویدوکی الاندا ایشیقچیلار اؤلکهلره ایشیق سالیبلار. زنگانین شاعیرلری چوخ قاباقدادیلار. گلهجکلری اَن گؤزل گونلر گؤرهجک. 26- «اشراق انجمنی» نئجه؟ واللاه من چون گئتمهمیشم، بیلمیرم؛ آماا بونو بیلیرم کی اورادا دا گؤزل و اوستون شاعیرلر وار. 27- شعریمیزین رابطهسی موسیقیله نئجه اولمالیدیر؟ شعر و موسیقی بیر- بیرینه باغلیدیر؛ اصولاً شعر موسیقیدیر و موسیقی شعردیر. هر شعر کی اورکلره یول تاپیر حتمن موسیقیله باغلی دیر. 28- آشیق موسیقیسین، یوخسا موغام، یوخسا پاپ موسیقیسین سئویرسیز؟ هر موسیقی کی اورَگیمه اوتورار، سئوهرم. آشیق، موغام. موغام منی بیر آیری حالا آپارار، ائله آشیق موسیقیسیده. بیر قابل آشیق«یانیق کرمی» چالاندا باخین گؤرون آدام نئجه دلی اولور و اورکدن کرم کیمی یانیر. 29- هانسی بیزیم شعریمیزه چوخ یاردیم یئتیره بیلر؟ البته کی هامیسی، آمما آشیق و موغام بیزیمکیدیر و هر ایکیسیده شعریمیزه یاردیم اولا بیلر. 30- سیزین شعرلریزی ایندییه کیمی آهنگ دوزلدیب، موسیقیله بیرلیکده اوخویوبلار؟ چوخ اولوبدور، اشراق شبکهسینده هر گئجه «آیجالانیر» موسیقیسی منیم دیر. دورنالار سریالیندا، سارای سریالیندا و هابئله دئیه بیلهرم کی باکیدا 30دان چوخ شعریم موسیقیله سسلهنیبدیر. یار کوچهسی، قیزیل اؤزندهکی مقام گتیردی. بیرلیکده بوتون شبکهلرده ملّی سرود کیمی اولموشدو. 31- تبریزده چیخان «آغآتیم و گونش»ده چوخ املا غلطلری وار، نیه؟ سیزین شعرلریزه چوخ علاقهلی آداملار وار، آمما کتابیزدا غلط اولاندا، بیر آز غملی اولورلار آخی؟ عائلهوده بیر مسئله اوز وئرمیشدی، اونا گؤره من گئده بیلمهدیم، تأسفله اونلاردا دقّت ائتمهمیشدیلر، من چوخ مکدر اولدوم. هم شعرلری غلط چاپ ائدیبلر، همده کی شعرلردن سانسور اولوبدور. واقعاً اوخوجولاردان شرمنده اولموشام. اومید ائدیرم گلن چاپلاردا حتمن بو یالنیشی و نقصی اؤدهیم. 32- یئنی کتاب چیخاردیرسیز یا یوخ؟ آدی نه دیر؟ بله، «سولماز» چاپا حاضردیر و «گلهجک بیزیمدیر». آمما تأسفله منیم شعرلریمه بیر آز ننهلیک گؤزو ایله باخیلیر.
33- شاعیرلیکدن راضیسیز؟ نیه راضی اولماییم. من قلبلره یاشاییرام. و بو چوخ- چوخ بؤیوک بیر افتخاردیر. هر شهره گئدهرم، حؤرمت گؤرهرم، آللاه هامیسن ساخلاسین. من اونلارین آیاغینین تورپاغییام. منیم هر نهییم وار بو جاوانلاردان و بو ملّتدن دیر. آللاه اونلاری ائلیمیزه و دیلیمیزه چوخ گؤرمهسین.
«»نفر [ سه شنبه 16 اسفند1390 ] [ 9 قبل از ظهر ] [ طاهر جعفری ]
قاراباغ ائله بیل آنامدیر منیم
آنامین روحونو اوردا گورموشم انامين ديلينه باغليدير جانيم انا ديليم اولسه منده اولموشم باخمايئن ائليمدن اراليام من ديليم هاراليدي اوراليام من سانمايئن ائللريم پرم پرمدي تبريزيم اصليدي باكي كرمدي اولكه لرشعريدي شاعر قلمدي بابکین نبی نین مدالیام من ديليم هاراليدي اوراليام من بدنيم بولونوب اوره گيم آغرير قوللاريم كسيليب بيله گيم اغرير دوست ويريب خنجري كوره گيم آغرير قیر قیزام.گورجویم .خوجالیام من ديليم هاراليدي اوراليام من بيرقيسيم اوره گم تيكه لنميشم بير ائووج قان اولولوب سپه لن ميشم جؤوشلانيب دنيز تك لپه لنميشم اينديسه هاردايام اوراليام من الان كي بوردايام بوراليام من هوشنگ جعفري «»نفر [ دوشنبه 15 اسفند1390 ] [ 10 قبل از ظهر ] [ طاهر جعفری ]
ساچلار قارالير حسن جمالين ايا بنزير
يانقاقلارينين قيرميزي سي المايا بنزير
عشقينده اوقدر آغلاميشام صبح اچيلينجاق
گوزياشلاريم اخديقحا اوزومدن چايا بنزير
گوزيولدا قولاق سسده قاليبدير گنه سن سيز
رنگيم سولوب آخرسارالان ارپايا بنزير
روحوم قوشو صحراي غمينده گئجه گونوز
تك ايريليب آواره گزن دورنايا بنزير
سين سيتمه مني تاب وتوانيم قوتاريبدي
زينگيلتي سسيم داي بوغولان هاي هايا بنزير
بايرامدا يتيشدي گنه ده عينيم آچيلمير
نه قيش قيشا.نه يازيازا.نه ياي يايابنزير «»نفر [ سه شنبه 2 اسفند1390 ] [ 10 قبل از ظهر ] [ طاهر جعفری ]
اي اوشاقلارقديم بيزيم كندين هله سئل يخما ميشدي آرخ بندين كتلي لر سوايچينده اويناردي آغ بلاق جوشلاناردي قايناردي سويوباشدان الينماميشدي چوله سوگليب كتده دوز دولاردي گوله بانك لارپول نزوله ويرمزدي كندين ااهلي نزوله گيرمزدي بيري كنده رياني بيلمزدي پولو.سودي رباني بيلمزدي نزول اوندا حراميدير كنده خالق صاحب مراميدير كنده بانك تك هئچ نزول يمزديك بيز نزولا كارمزد ديمزديك بيز خلقه خاطر نماز قيلمازديق بيرينه تازيانه ويرمازديق بيري يوخسول گورنده گولمزدي اوندا خالق پول شوئي بيلمزدي بيري كنده يخيلسا قويمازديق نوخوشون جيبلريني سويمازديق بير حلال وحراميميز واريدي خالق ارا احترامي ميز واريدي اوندا بهداريلر پول المازدي مريضي مين بلايه سالمازدي نوخوش اولسايدي تئزقاچيردارديق اونو پول توكمه ميش ياتيردارديق دكتر هئچ خالقا فرق قويمازدي جيبلرين اول الده سويمازدي اوندا رحم هامينين قانيندايدي پوللودا پول سوزون يانيندايدي اونداكه هئچ تجملات يوخودو اوندا دلخوشلوق اينديدن چوخودو اوغرولاركند ايچينده گزمزدي بورك قويوب اغ لباس گيمزدي باهاليق ايتدي قدي عنبر چه سربازا كيم ويرردي دفترچه بونو اغشام اولونجا دولدوراسان خالق بدبخته قان اوتوزدوراسان اوغرولار بيسواديدير ساده ايندي افسردي گردنه جاده اوغرو بد بختيدير قديمده سادا اينديلر آغ گيئر دورور جادادا بوينونا فيشقراق سالمازدي خالقا يوزمين جريمه يازمازدي جادادا افسر ايست اوزاتمازي اوزلرين مفته مفته ساتمازدي اوغرولوخ گئچمه ميشدي ميزدالينا رشوه لر هديه آد.قويا آدينا ايكي اوزلو دگيلدي ملتيميز واريدي قونشولاردا عزتيميز اوندا مسئول يالان دانيشمازدي رممالا فالچيا قاريشمازدي كنده والله يالانچي ليق يوخودو دوزودوك اعتقادي ميز چوخودو اختلاس اوندا حدن اشمازدي اوغرولار ايري كنده قاشمازدي اوغرولوق مد ده گيلدي ايراندا ايندي داي رسم اولوبدو هر ياندا شهردار اوندا خالقي سويمازدي كوچويه پاركبان .قويمازدي اوندالاركه عقيده ميز چوخودو كنده شيطان پرست ميز يوخودو اوندا اوغلان قاشين گوتورمزدي پولدا تاپسا اوزون ايتيرمزدي اوندا قيزلاردا قورد بزنمزدي شولا ويل كوچه ده گزنمزدي اعتياد مود دگيلدي ايراندا ترياكي كيم چئكردي قلياندا هئچ اوغول اوندا رپ بزنمزدير كوچه ده قيز كيمين گزنمزدير نه بيزيم كنده يدي همسايه فقريدن دوشمه ميشدي فحشايه قان پولون ازدواجدا المازديق نچه مين سكه مهره سالمازديق قاراگون خالقي چولقا مازدي قديم قيزقاليب ائوده تورشا مازدي قديم بيربئله بورجا خرجه دوشمزديك ائوساتيب بيز جاهازه وئرمزديك اوندا هركنده اللي شاه يوخودو اوندا زنداندا بي گناه يوخودو اوندا بيرخان واريدي بير خانچا خان اوزو آت مينردي بئي دايچا كنده قيز گورمه ميشدي لنز ندير چوخوهاردان بيليردي بنزندير روضيه بئش قران الارديق بيز آغلاديب ولوله سالارديق بيز دسته ده دايرا .زورنا چالمازديق روضيه يئرمي ميليون آلمازديق الان ايشلر اولوب بوتون ترسه خالق گلير روضيه ويرا پرسه نفت پولون كند ايچينده پايلارديق كنده كيم چپ باخايدي هايلارديق اوندالار روزگاريميز خوشودو هانسي بد بخت جوان الي بوشودو الي بوش حديدن چيخيبدي الان قارگون ائولري يخيبدي الان ائوله نم ميرجوانلار ايندي ني يه؟ آخي ارواد پول ايستير ائوده ييه اودو فحشاچيخيب شماريشدن دوتسان آمار چوخدو خاريشدن اودور الله كرامتين گوتوروب خلقي اوز باشينه بوجور ائوتوروب آي اوشاقلار زامان يامان چوندور داي عدالت چراغلاري سوندور جهل بيرگون اوكنده يول تاپدي آتيني ميندي محله ده چاپدي خالقي اللاتدي يقدي ائوزباشينا مين بزه ك ويردي هم گوزه .قاشينا چوخلاري گوردو جهل ميندي آتا ايستي يئراورتاني او كنده قاتا عقل اولانلار بوتون چيخيب قاشدي يوكونو دوتدو دونگه دن اشدي او.قالان قالدي جهلين ائوجوندا ال آياق چالدي بانك بورجوندا ويرمادي كيمسه بندي .بنديميزه آفتافا گوتدو جهل كنديميزه
«»نفر [ چهارشنبه 19 بهمن1390 ] [ 12 بعد از ظهر ] [ طاهر جعفری ]
راستی سارا دیروز عصرکه درنگین خاطراتم انگشترنگاهت را به نظاره نشسته بودم باد جنون پائیزی برگهای بهم ریخته باغچه را به بازی گرفته بود .دلم به نم نم باران غزل غزال گریز پای دشت بیکران زندگیم را به نجوا زمزمه میکرد .بیادم میگذ شت زمانی که به باران چشمهایت مرا می سرودی وبه نغمه نگاهت به مهمانیم میخواندی.دوریت بجهنمی میماند که خود هیزم آور معرکه اش بودم وصا لت به بهاری که از حرکتم باز میدارد که به عمق نگاهت عاشقانه به تماشا نشینم . چه دردنا ک است وقتی که سخن به سکوت غلبه کند .و چه فاجعه عظیمی است که سکوت از سخن بگریزد . نه بسکوت میمانم ونه بسخن می نشینم . من غزل سروده نشده عمر خویشم .نوشته شده ام که بخوانی ام . سارا ...... سارا «»نفر [ سه شنبه 8 آذر1390 ] [ 9 قبل از ظهر ] [ طاهر جعفری ]
وطنيم دوستاقدير.روحوم اينجي يئر يانيما بير گليب گئده نيم اولمور گلن لر سيخيلير گيدن سين سيير حاليمي دوشونوب بيلنيم اولمور گل مئين دورنالار بيزيم كنديميز چيسگينلي. دومانلي شاختالي كند دير يوللاري تيكانلي ائولري هيسلي قالا تك قاپيسي. تاختالي كند دي وطنيم دوستاقدي باخيشيم گئنيش اوره گيم داريخير .سيخيليرام من قولومدان ساخلايين حاليمي سورون. ائل گوجو اولماسا يخيليرام من
اورمونون گولوتك يا لقيزام يالقيز كسيليب داماردا ن قانيم اي ائللر كويره دونورم اذربايجان تك دويما ساز چيخاجاق جانيم اي ائللر بير الدي بيلميرم يا .نئچه اللر ال اله وئريبلر-اليم كسيل سين بيلميرم كيمدي لر؟بير ايش گوردولر گئده نيم سينسي سين گليم كسيل سين بيرنفر سوروشمور ائلجه بيله ندن باش وئريب الي سيز جسميدن جاني اذر ائل قورويوب شوره زار اولسا ني نيسيز؟ني نيسيز؟باش سيز ايراني دينديرمه- دولويام .دولويام .دؤلو گئديرم ظلمتين كوكون يولدورام اؤقه دراغليام اورمو گولونده گؤز ياشلا –اورمونون گولون دولدورام
هوشنگ جعفري «»نفر [ سه شنبه 10 آبان1390 ] [ 10 قبل از ظهر ] [ طاهر جعفری ]
«»نفر [ سه شنبه 8 شهریور1390 ] [ 10 قبل از ظهر ] [ طاهر جعفری ]
دیرلی اوستادیم ایچین یازدیغیم شعیر:
شمع سن , پروانه من , هر آن دولاننام باشیوا ای یانار شمعیم منیم قوربان اؤلوم گؤز یاشیوا آیریلیق دردی بؤلوبدور سینه می مین پارچایا قارداشیم سون قوی بو درده رحم قیل قارداشیوا من سنون شاگردیوه م سن اولدون اوستادیم منیم واله ائتدون عالمی اؤز شعریوه , نققاشیوا سن نسیمی اؤغلوسان هر آن دییه رسن حققده ن قؤیماسان نا حقق اؤلان کسلر ییغیشسین باشیوا گر فلک وئرسه یدی داورلیک آدین من "تایسیزا" آند اؤلا حققه وئره ردیم جانیمی پاداشیوا «»نفر [ سه شنبه 8 شهریور1390 ] [ 9 قبل از ظهر ] [ طاهر جعفری ]
سيزدن سورآلمالاردا كال قالميشدي ايچسيز دنه لرچؤوال چؤال قالميشدي بير-ال اؤلويانديريردي كند باغلارينا نه اوندا شرف نه بيزده حال قالميشدي نسلين قطع ايديردي باغلارين بالتاچيلار كند اهلي باخيردي كرولال قالميشدي باغبان لبلسين ايچينده ايتميشدي فقط بيرالده چميك باشيندا شال قالميشدي آلميشديلا كند تولكولرين بير تؤيوغا اورماندا ولي مارال مارال قالميشدي بارداغلاري داغدا آييلار.تيخميشدي كند اهلينه بير شربتي بال قالميشدي بير كند سؤال آلتيندا سؤانميشدي يئره هركلمه جوابه مين جدال قالميشدي بيلديركي سؤال ايدن جوانلار يوخودو كنده كنه ده سؤال - سؤال قالميشدي بوش وعده وئره ن سوزون دييب گئتميشدي ميداندا يئرينده قيل و قال قالميشدي هوشنگ جعفري «»نفر [ یکشنبه 6 شهریور1390 ] [ 11 قبل از ظهر ] [ طاهر جعفری ]
دار آغاجی ...
دار آغاجی ! بوو آلاتورانلیقدا بیر قیرپیملیق قولاق وئر منه
دار آغاجی ! هئی، هئی بیزیم دونیامیز اؤتهسیز بیر دونیا اویوتمازلی، دهشتلی بیر دونیا
بیزیم دونیامیزین گوندوزلری، گئجهیه ساریلمیش و قاپ-قارالیق جیزگیسینه یوکسه رک و گئجهلری، یئیینسیزلیکلره دؤنموش زامان بورادا یئریندن ترپنمهییر و کؤلگهسیزلهییر خیلی کؤلگهمیز باخان گؤزلریمیز باخیلماز اولور و یاشام تپهلری آشیلماز
دار آغاجی ! آه دار آغاجی بیر دونوق شفقدن باخیرام دونیامیز گونشین خسته خاناسی و "من اونون عینادجیل سس سیزلییی یم" و دیریلیگیم اونون اؤلوم خَرهيينده و پنجرهمین قاپالی قاپاقلاری سوسقونلوغا آچیلیر سایخینليغا دؤنورم سونسوزلوغا
آه دار آغاجی ! دونیا منه دوستاقلانمادا من دونیایا آغیر گلیرم باریت قوخوسو گلیر آداملاردان قاپیلاردان قاپالی لیق گونئیلی پنجرهلر قوزئیلره ساری آچیلیر قوزئیلری شورابیل کیمی باکیر بوردان آجیخمش بوداقلارین ایییسی گلیر و آداملار چیچکلرین دیلینی بیلمه ییر منی باغرینا باس دار آغاجی روحوم دارتیلمادا قورخورام و قورخو قانیمی داماریمدا دوندورور
دار آغاجی ! هئی، دار آغاجی منی راپور وئر سایاقلارینا سنی گئيمک ایستهییرم ...
«»نفر [ چهارشنبه 12 مرداد1390 ] [ 11 قبل از ظهر ] [ طاهر جعفری ]
|
درباره  حاقیمیزی بوزا یازمیشدی قیز اوغلانلی بیزیم حاققیمیزی اریدیر بیر بئیینی قانلی بیزیم حاققیمیزی پایلاییريازئلي تک کوللارا یارپاقلاریمی دیلی ، آغزی ، الی قرآنلی بیزیم حاققیمیزی گؤردوگون اوتدو ، دماوند قیمیللانمادی هئچ یئنه اوتماز دئدی ایرانلی ، بیزیم حاققیمیزی نییه گؤیلرده بولوددان ال آتیب آلمیرسان ساوالان ای باشی طوفانلی بیزیم حاققیمیزی دوتوبان نیسگیل الیندن دئدی خرمنلره باخ سووورور گؤ نئجه سهمانلی بیزیم حاقیمیزی ال آتیب ایندی قلمدن غزل ایستیر دفتر اورداکی داندیلا دیوانلی بیزیم حاققیمیزی قویمایین بارماغی حسرت قالا بال بارداغینا یاخمایین کوللارا شان- شانلی بیزیم حاققیمیزی گئجه بیر پالچیقا باتمیش کوچه دن سس گلدی کورلادین آی کدر ایمانلی بیزیم حاققیمیزی کتده بیر هیسلی دام التدا بویو عنبرچه قادین ائله سؤیلوردو یاریم جانلی بیزیم حاققیمیزی | |
| [ طراحی : طاهر جعفري ] [ Weblog Themes By : mythm ] | ||